Félagsstarf

Á Skjólgarði er gott og öflugt félagsstarf

Fastir liðir eru t.d. upplestur og söngur. Haldið er þorrablót, jólasamvera og ýmsar aðrar skemmtanir.

Á Skjólgarði starfar Þorbjörg Helgadóttir félagsliði við félagsstarf.

Hlutverk slíkrar þjónustu er að örva félagslegt samneyti, virkni og gera lífið innihaldsríkara líf hjá heimilisfólki. Tómstundaiðja og samvera er mikilvægur þáttur fyrir heimilisfólk og mikil örvun felst í umhverfisbreytingu. Heimilisfólk á þess einnig kost að sækja virknistarf út af heimiliseiningunni í dagvist í Ekru.

Fastir liðir á deildinni eru t.d. upplestur og söngur, dagsverðir, haldið er þorrablót, jólasamvera, prjónakaffi, samvera með leikskólabörnum og ýmsar aðrar skemmtanir. 

VorferdGóðir gestir sækja deildina heim í viku hverri. Prestar sóknarinnar koma reglulega til að sinna sálgæslu og trúarlegu starfi ásamt því að lesa bókmenntir fyrir heimilisfólk. Nemendur úr Tónskóla Hornafjarðar, leikskólunum Krakkakoti og Lönguhólum koma samkvæmt dagskrá og taka þátt í félagsstarfi íbúanna. Auk þess höfum við notið heimsókna hinna ýmsu listamanna sem heimsækja okkur þegar þeir eru með viðburði í sveitarfélaginu. 


BlodruboltiMarkmið félagsstarfs er að:

  • Auka virkni heimilismanna og koma í veg fyrir einangrun.
  • Örva félagslegt samneyti og létta lund.

Á dvalardeild sinnir starfsfólk deildarinnar félagslega þættinum með upplestri, spilum o.fl. og heimilisfólk sækir einnig félagsstarf í Dagdvölina í Ekru.

Á Skjólgarði er stórt og gott bókasafn sem nýtist heimilisfólki og starfsfólki.

Haldið er úti fésbókarsíðu þar sem aðstandendur og aðrir geta fylgst með því félagsstarfi sem hér fer fram.