Áríðandi tilkynning til íbúa, ættingja og starfsfólks Skjólgarðs og Mjallhvítar vegna sýkingar af völdum Kórónaveirunnar (COVID-19) á Íslandi

11. mar. 2020

Framkvæmdaráð Skjólgarðs og Mjallhvítar hefur tekið þá ákvörðun að loka fyrir heimsóknum ættingja og annarra gesta frá og með 13. mars 2020 þar til annað verður formlega tilkynnt. Er þetta gert að höfðu samráði við Sóttvarnarlækni og Landlækni eftir að Neyðarstigi almannavarna var lýst yfir fyrr í dag.

Áríðandi tilkynning til íbúa, ættingja og starfsfólks Skjólgarðs og Mjallhvítar vegna sýkingar af völdum Kórónaveirunnar (COVID-19) á Íslandi

Framkvæmdaráð Skjólgarðs og Mjallhvítar hefur tekið þá ákvörðun að loka fyrir heimsóknum ættingja og annarra gesta frá og með 13. mars 2020 þar til annað verður formlega tilkynnt. Er þetta gert að höfðu samráði við Sóttvarnarlækni og Landlækni eftir að Neyðarstigi almannavarna var lýst yfir fyrr í dag.

Heilsa og velferð íbúanna þarf alltaf að vera í forgangi!

Nú er staðfest að smit vegna Kórónaveirunnar hafa borist á milli einstaklinga í þjóðfélaginu. Þar sem íbúar Skjólgarðs og Mjallhvítar eru flestir aldraðir og / eða með ýmsa undirliggjandi sjúkdóma eru þeir í sérstökum áhættuhóp tengt því að veikjast alvarlega af Kórónaveirunni.

Leita þarf allra leiða til að draga úr þeirri hættu að íbúar heimilanna veikist af Kórónaveirunni. Okkur þykir mjög leitt að þurfa að taka svo stóra ákvörðun, en þetta er gert með velferð íbúanna okkar að leiðarljósi og biðjum við fólk að sýna þessari ákvörðun virðingu og skilning. Það er ljóst að það getur reynst íbúa mjög erfitt að fá ekki heimsóknir frá ættingjum sínum og á sama hátt getur það reynst ættingjum íbúans mjög erfitt að heimsækja hann ekki. Það er samt nauðsynlegt að grípa til þessara ráðstafana til að koma í veg fyrir að íbúi veikist af veirunni og eins geta smit borist frá ættingjum eins íbúa til annars íbúa.

Við hvetjum ykkur til að kynna ykkur upplýsingar og leiðbeiningar á vef Landlæknisembættisins https://www.landlaeknir.is/ Þar eru greinargóðar upplýsingar og leiðbeiningar tengdar stöðu málar, en þær geta breyst frá degi til dags.

Nýtum tæknina til samtala

Við hvetjum ykkur til að nýta möguleikana á myndsímtölum við ykkar aðstandendur. Eigi hann ekki spjaldtölvu eða er með Memaxi aðgang þá er hægt að hringja myndsímtal í gegnum fésbókar aðgang Skjólgarðs. Byrjið þó á að hringja í vaktsímann; s. 470-8630 og látið vita að aðstandandi ykkar eigi von á símtali og við förum með spjaldtölvuna til viðkomandi.