Laus staða hjúkrunarfræðings hjúkrunarsviðs

14. jan. 2020

Staða hjúkrunarstjóra hjúkrunarsviðs, Skjólgarðs, er laus frá og með 1. apríl 2020. Umsóknarfrestur er til og með 31. janúar 2020. Hlutverk Skjólgarðs er að veita öldrunar- og sjúkraþjónustu fyrir íbúa sveitarfélagsins. Framundan er að byggja við hjúkrunarheimilið og því spennandi tímar framundan.

Hjúkrunarstjóri - Skjólgarður öldrunarheimili

Hlutverk Skjólgarðs er að veita fjölbreytta öldrunar- og sjúkraþjónustu fyrir íbúa sveitarfélagsins. Þar eru í dag rekin 24 hjúkrunarrými, 6 dvalarrými og 7 dagdvalarrými með opinni dagþjónustu eldri borgara. Á hjúkrunardeild eru 4 sjúkrarými þar sem tekið er á móti skjólstæðingum sökum veikinda, endurhæfingar eða af öðrum heilbrigðisástæðum.

Öldrunarheimilið Skjólgarður er hluti af Heilbrigðisstofnun Suðurlands Hornafirði og rekin samkvæmt þjónustusamningi af Sveitarfélaginu Hornafirði. Á Skjólgarði eru samtals 26 stöðugildi.

Helstu verkefni

  • Ber ábyrgð á hjúkrun, ráðgjöf og þjónustu á hjúkrunar-, dvalar- og dagdvalardeild
  • Ábyrgð á faglegri framkvæmd þjónustu í samræmi við gæðavísa heilbrigðisráðuneytis og Landlæknisembættis um heilbrigðisþjónustu
  • Ber ábyrgð á að rekstur sé í samræmi við rekstraráætlanir
  • Ber ábyrgð á starfsmannamálum og starfar í samræmi við mannauðsstefnu sveitarfélagsins
  • Þátttaka í stefnumótun og eftirfylgd stefnu

Hæfnikröfur

  • Fullgilt hjúkrunarpróf og íslenskt starfsleyfi
  • Reynsla af stjórnun með mannaforráð
  • Reynsla af þátttöku í gerð fjárhags- og launaáætlana kostur
  • Reynsla af uppbyggingu hjúkrunarstarfsemi og/eða endurskipulagningu slíkrar starfsemi kostur
  • Þekking á Eden-hugmyndafræðinni eða sambærilegri stefnu æskileg
  • Þekking á RAI-mælitækinu kostur
  • Mikil hæfni í mannlegum samskiptum
  • Góð yfirsýn og skipulagshæfni
  • Geta til þess að starfa undir álagi

Umsóknum skal fylgja ítarleg starfsferilskrá ásamt kynningarbréfi þar sem gerð er grein fyrir ástæðu umsóknar ásamt rökstuðningi fyrir hæfi til að sinna starfinu. Umsóknir skulu sendar á netfangið gudrundadda@hornafjordur.is. Kjör fara eftir kjarasamningi Félag íslenskra hjúkrunarfræðinga og Launanefndar sveitarfélaga. Aðilar af öllum kynjum eru hvattir til að sækja um starfið.

Nánari upplýsingar um starfið veitir:

Guðrún Dadda Ásmundardóttir, framkvæmdastjóri - gudrundadda@hornafjordur.is - 4708616/8488828. Umsóknarfrestur er til og með 31. janúar 2020.

Tekið skal fram, að við getum útvegað íbúð á Höfn.