Staðan í dag 24. mars 2020 vegna Covid-19

24. mar. 2020

Nú eru staðfest 5 Covid-19 smit í Sveitarfélaginu Hornafirði og 50 í sóttkví

Nú eru staðfest 5 Covid-19 smit í Sveitarfélaginu Hornafirði og 50 í sóttkví. Smitin dreifast þannig að 1 er í Öræfum, 3 í Suðursveit og eitt á Höfn. Enginn er alvarlega veikur. Búið er að setja af stað vettvangsteymi á Höfn sem heldur utan um hópinn og hringir í einstaklinga í sóttkví.

Því er beint til íbúa að virða samkomubannið sem er í gildi og halda uppi tilmælum um 2 metra bil á milli einstaklinga og halda uppi öflugu hreinlæti. Með þessum hætti náum við að draga úr fjölgun smita og draga úr álagi á heilbrigðisþjónustuna. Beinum því einnig til íbúa að halda ró sinni og yfirvegun. Það voru ágæt tilmæli Víðis Reynissonar yfirlögregluþjóns hjá Ríkislögreglustjóra, að deila glaðlegum myndum á fésbókinni til að viðhalda léttri lund.